Vdekja misterioze e shefit personal të kuzhinës së Obamës, publikohet shkaku
Nga OraNews Përditësimi i fundit 25 Gusht 2023, 08:38
Tafari Campbell, i cili ishte kuzhinieri personal i Barack Obamës ndërsa ai ishte në Shtëpinë e Bardhë midis 2009 dhe 2017, u gjet i vdekur më 24 korrik në ishullin Martha’s Vineyard, një zonë ekskluzive banimi në Qarkun Duke ku njerëz të famshëm si Bill Clinton, Bill Murray, vëllezërit Farrelly ose Steven Tyler kalojnë verën e tyre.
Asnjë nga anëtarët e familjes Obama nuk ishte në rezidencën e tij në momentin e ngjarjes. “Ne e njohëm atë si një person të ngrohtë, të qeshur dhe jashtëzakonisht të sjellshëm, që na e bëri jetën pak më të ngrohtë”, ndanë Obamat ngushëllimin në një deklaratë, pasi mësuan për vdekjen e kuzhinierit 45-vjeçar.
Një zëdhënës i Zyrës Ekzekutive të Sigurisë Publike në Massachusetts ka konfirmuar se Tafari Campbell vdiq nga mbytja (“zhytja e trupit në ujë”) sipas autopsisë dhe se shkaku i vdekjes është paraqitur si aksidental. Policia e Shtetit të Masaçusets raporton se Tafari Campbell “kishte vozitur me paddleboard një natë më parë dhe u raportua i zhdukur, pasi ai hyri në ujë dhe nuk doli në sipërfaqe”.
“Tafari Campbell u zhyt në ujë dhe dukej se kishte vështirësi të notonte dhe më pas u zhyt dhe nuk doli sërish”, shpjegoi policia, bazuar në një deklaratë të dëshmitarit, se kuzhinieri nuk kishte veshur jelek shpëtimi dhe nuk ishte i lidhur në dërrasën e vozitjes.
