Putin rekruton burra deri në 70-vjeç për t’i dërguar ata në frontin e luftës në Ukrainë

Nga OraNews Përditësimi i fundit 19 Korrik 2023, 12:59

Rusia ka rritur kufirin e moshës për ushtarët e saj me dhjetë vjet, ndërsa përgatit 100,000 burra të tjerë për një betejë të re në Ukrainë. Siç vlerësojnë zyrtarët ushtarakë ukrainas, Vladimir Putin po krijon një forcë të re ushtarësh për të sulmuar rajonin e vendosur në veri të vendit, veçanërisht rajonin rreth Kupyansk.

Në fakt, sipas një ligji të miratuar së fundmi, rezervistët me gradën më të lartë mund të thirren në shërbim deri në moshën 70 vjeç, ndërsa kufiri i mëparshëm ishte 65 vjeç. Gjithashtu, në radhët e ushtrisë mund të kthehen meshkujt deri në 55 vjeç dhe që kanë kryer shërbimin e detyrueshëm. Në fakt, kufiri i mëparshëm i vendosur për këtë kategori ishte 45 vjet.

Vendimi i ri i “carit” vjen në një kohë kur qindra mijëra burra u larguan nga Rusia në shtator (në atë kohë rekrutimi ishte urdhëruar pa njoftim paraprak). Me shkallën e lindjeve në nivelin më të ulët në 23 vjet, një raport i fundit zbuloi se të paktën 47,000 ushtarë rusë janë vrarë nga fillimi i luftës në Ukrainë.

Kjo vjen në krahasim me 6000 ushtarë të raportuar se kanë vdekur gjatë luftës dhjetëvjeçare midis Rusisë dhe Afganistanit. Në të njëjtën kohë, zëdhënësi i ushtrisë ukrainase dhe koloneli Serhii Seravaty tha se Rusia urdhëroi batalionet e ish-të dënuarve Storm – Z të përgatiteshin për betejë.

Koloneli Serhi Cherevaty, një zëdhënës i ushtrisë ukrainase, tha se Rusia kishte urdhëruar batalionet e ish-të dënuarve të Storm-Z të përgatiteshin për betejë dhe po gjuante më shumë se 500 raketa në ditë rreth Kupyansk.

“Armiku ka mbledhur një grup shumë të fortë. Më shumë se 100,000 personel, më shumë se 900 tanke, më shumë se 550 sisteme artilerie dhe 370 sisteme raketash”, tha ai. Dhe e gjithë kjo ndërsa agjencitë ruse të lajmeve pohuan se forcat e Moskës kishin avancuar rreth një milje drejt Kupyansk.

Sekretari britanik i Mbrojtjes: Rusia ka humbur mbi 250,000 burra në Ukrainë

Putin ka humbur tani 250,000 ushtarë të vrarë, të plagosur ose të zhdukur që kur Rusia pushtoi Ukrainën, ka pohuar sekretari britanik i Mbrojtjes Ben Wallace.

Një çerek milion ushtarë rusë janë vrarë, plagosur ose janë zhdukur që nga pushtimi i paligjshëm i Ukrainës nga Vladimir Putin, tha dje Ben Wallace, sipas Daily Mail.