Stuhia e rrallë godet Holandën, anulohen disa fluturime
Nga OraNews Përditësimi i fundit 6 Korrik 2023, 06:23
Një stuhi me shpejtësi deri në 120 kilometra në orë goditi Holandën duke ndaluar fluturimet në aeroportin Schiphol të Amsterdamit.
U raportuan gjithashtu për kamionë që u përmbysën mbi autostrada duke shkaktuar bllokime masive të trafikut.
Shërbimet hekurudhore u ndalën gradualisht në veri të vendit. Autoritetet e transportit paralajmëruan shoferët e mjeteve që të mos lëviznin në autostrada, sepse erërat e forta shtynin kamionët dhe shkulnin pemët.
Shërbimi i motit priste shpejtësi të erës nga 100 deri në 120 kilometra në orë, me alarm të kuq në veri.
Pati probleme të rënda në aeroportin Schiphol të Amsterdamit, i cili e përshkroi situatën si “të rrezikshme, për shkak të degëve në rrugë, shpërthimeve të forta të erës dhe shiut të dendur.
Trafiku i trenave për në qendër u pezullua.
“Trafiku ajror do të jetë “shumë i kufizuar”, tha aeroporti.
Disa fluturime në mbërritje dhe nisje janë anuluar ose vonuar.
