Ishin të rrezikshme për fëmijët, EUROPOL bllokon 19 mln lodra me vlerë 79 mln euro
Nga OraNews Përditësimi i fundit 12 Qershor 2023, 12:54
19 milionë lodra të falsifikuara dhe të konsideruara si të rrezikshme për fëmijët janë sekuestruar nga një operacion i Europol. Vlera e produkteve vlerësohet të jetë 79 milionë euro.
Një sasi rekord lojërash për fëmijë me marka të falsifikuara e të rrezikshme për shëndetin e sigurinë e fëmijëve janë sekuestruar në 29 vende europiane në një megaoperacion i koordinuar nga EUROPOL.
Hetimet e operacionit të shtrira në periudhën kohore 5 shtator 2022 deri më 31 janar 2023, përfshijnë rreth 6000 aktivitete policore në nivel ndërkombëtar që kanë çuar nën masën administrative të 298 personave e në vënien nën hetim të 205 prej tyre.
Operacioni i koduar “Lodus III” ka çuar në sekuestrimin e 19 milionë lojërave për fëmijë që nuk respektojnë normativën europiane për garantimin e sigurisë së lojës e së shëndetit të fëmijëve.
Vlera e produkteve të sekuestruara është 79 milionë euro.
Gjatë fazës operative, aksioni investigativ ka mundur të identifikoj rrjetin llogjistik e adminsitrativ që menaxhonte shpërndarjen e tregtimin e këtyre produkteve të paligjshme, lojëtarët kryesorë në zinxhirin e furnizimit tregtar si dhe ka cuar në shkatërrimin e grupeve kriminale që i mbështesnin.
Produktet e konfiskuara përfshijnë lodra argëtuese, elektronike, modele krijuese, video lojëra, kukulla personazhe të njohur të programeve televizive për fëmijë.
Sipas autoriteteve, lojërat nuk plotësonin standartet e sigurisë së legjislacionit ndërkombëtar e kishin mungesë informacioni për blerësin, përdorimi i tyre mund të sillte rreziqe reale për fëmijët si prania e substancave toksike, rreziku nga mbytja, dëm shëndetësor nga zhurma e pamatur etj.
Veprimi operacional ka përfshirë kontrolle e inspektime dhe në platformat e tregtimit on line të lojërave elektronike duke identifikuar burimet që ofrojnë në treg këto produkte, të cilat përdorin në mënyrë të paligjshme marka tregtare, modele industriale e simbole dalluese.
