Politikani serb mbështet Gërvallën: Vuçiç e Daçiç duhej të ishin në burgun e Hagës para shumë kohësh
Nga OraNews Përditësimi i fundit 28 Prill 2023, 12:36
Kryetari i Lëvizjes Qytetare “Odgovor”, politikani serb, Boban Bogdanoviç, ka reaguar pas fjalimit që kryediplomatja kosovare Donika Gërvalla Schwarz ka pasur në Këshillin e Sigurimit të Kombeve të Bashkuara e ku ka thënë se kryediplomati serb është përgjegjës për krime lufte, vrasje masive dhe dhunime.
Bogdanoviç ka shkruar se përveç Daçiçit, edhe presidenti serb Aleksander Vuçiç është i njëjtë.
Sipas tij, Daçiç e Vuçiç do të duhej të ishin në Hagë para shumë kohësh.
“Dhe jo vetëm Ivica, por gjithashtu edhe ministri i informacionit Aleksandri! Ata do të duhej të ishin në Scheveningen para shumë kohësh”, ka shkruar Bogdanoviç.
И не само Ивица, већ и министар информисања, Aлександар!
— Бобан Богдановић (@0dgovor) April 28, 2023
Давно су требали бити у Шевенингену! https://t.co/XcoUyoGmOi
Kryediplomatja kosovare dje në Këshill të Sigurimit e ka quajtur Ivica Daçiçin përgjegjës për krime lufte, vrasje masive dhe dhunime.
