EMRAT/Dogjën makinën në Korçë, në pranga dy autorët, zbardhen konfliktet e së kaluarës mes tyre
Nga Iris Rezhda Përditësimi i fundit 25 Prill 2023, 11:26
Foto nga vendi ku u dogj makina në Korçë
Ngjarja në Korçë ku një automjet u shkrumbua nga flakët orët e para të mëngjesit të së djeshëm, nuk ka qenë aksidentale.
Policia ka arrestuar dy autorët e dyshuar “Volkswagen” , Romeo Basholli dhe Gentjan Çipi.
Nga veprimet hetimore dhe nga provat e siguruara rezultoi se dy autorët në bashkëpunim i janë afruar ndërtesës duke shkaktuar zjarrin në automjet, në përdorim nga një 28-vjeçare dhe në pronësi të vëllait të saj. Nga hetimet e kryera rezulton një prej autorëve në muajin dhjetor 2022, e ka kanosur nëpërmjet telefonit këtë shtetase.
Gjatë kontrollit të ushtruar në banesën e njërit prej tyre, u gjet dhe u sekuestrua në cilësinë e provës materiale një sasi e vogël municioni luftarak. Gjithashtu u sekuestruan veshje dhe një automjet që ka përdorur shtetasi në këtë ngjarje.
U dyshua fillimisht si ngjarje aksidentale, zbardhet pas hetimeve të thelluara, djegia e qëllimshme e një automjeti, e ndodhur një ditë më parë.
Identifikohen dhe vihen në pranga 2 shtetasit që i vunë zjarrin automjetit në përdorim nga një shtetase.
Sekuestrohet një sasi e vogël municioni luftarak, të cilën e posedonte në banesë njëri prej të ndaluarve, veshje dhe një automjet të përdorura në ngjarje.
Specialistët për Hetimin e Krimeve të Komisariatit të Policisë Korçë, pas një pune intensive hetimore për ngjarjen e ndodhur më datë 24.04.2023, në lagjen nr. 5, Korçë, ku u dogj një automjet, bënë të mundur identifikimin e 2 autorëve të dyshuar të saj. Si rezultat, u bë arrestimi në flagrancë i shtetasve:
R. B., 27 vjeç, banues në fshatin Mborje, Korçë dhe G. Ç., 38 vjeç, banues në fshatin Dishnicë, Korçë.
Nga veprimet hetimore dhe nga provat e siguruara rezultoi se këta dy shtetas janë autorë të dyshuar të djegies së automjetit tip “Volkswagen”, në përdorim nga një 28-vjeçare dhe në pronësi të vëllait të saj. Nga hetimet e kryera rezulton se shtetasi G. Ç., në muajin dhjetor 2022, e ka kanosur nëpërmjet telefonit këtë shtetase.
Gjatë kontrollit të ushtruar në banesën e shtetasit R. B., u gjet dhe u sekuestrua në cilësinë e provës materiale një sasi e vogël municioni luftarak. Gjithashtu u sekuestruan veshje dhe një automjet që ka përdorur shtetasi R. B., në këtë ngjarje.
Vijon puna për dokumentimin e plotë të kësaj ngjarjeje, identifikimin dhe vënien përpara përgjegjësisë penale të shtetasve të tjerë të përfshirë.
Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.
Foto nga vendi ku u dogj makina në Korçë
