Biden emëron George Clooney dhe Lady Gaga si këshilltarë
Nga OraNews Përditësimi i fundit 15 Prill 2023, 14:47
Presidenti i Shteteve të Bashkuara të Amerikës ka vendosur të emërojë dy figura të rëndësishme të artit dhe muzikës si këshilltarë.
Aktori i njohur George Clooney dhe këngëtarja Lady Gaga janë dy emrat e rinj që i bashkohen stafit të Joe Biden që e ndihmon për cështjet e kulturë dhe të artit.
Lajmi është bërë i ditur përmes një deklarate të shtëpisë së bardhë mbi emërimet në Komitetin e Presidentit të Arteve dhe Shkencave Humane.
Kjo ka sjellë edhe reagim prej fansave që përgëzuan artisten në rrjetet sociale për emërimin e saj.
Sipas kësaj, Komiteti i cili do të bashkëkryesohet nga producenti i famshëm Bruce Cohen dhe këngëtarja e famshme Lady Gaga, përfshin emra të tjerë si aktorja Jennifer Garner dhe muzikanti Jon Batiste.
I nisur në vitin 1982 nga Presidenti Ronald Reagan ky komitet i cili punon për të mbështetur programet e artit dhe kulturës në mbarë vendin ka hasur në kritika nga ish-presidenti Donald Trump.
