Kërpaçi: Arsim cilësor në çdo lagje të Tiranës më Këlliçin, Veliaj mori 400 mln euro në 8 vite
Nga OraNews Përditësimi i fundit 13 Prill 2023, 15:32
Kandidatja për Këshillin Bashkiak të Tiranës, Floida Kërpaçi shkruan në Facebook se bashkë me Këlliçin si kryetar në Këshillin Bashkiak do ta kthejnë arsimin në prioritetin politik.
Ajo shton se pothuaj gjysma e shkollave 9 vjeçare dhe të mesme të Tiranës janë me dy turne ose tejet të mbipopulluara.
Kërpaçi: Arsim cilësor në çdo lagje të Tiranës. Bashkë me Belindin si kryetar, ne në Këshillin Bashkiak do ta kthejmë arsimin në prioritetin politik të punës së Bashkisë Tiranë! Plani ynë është i shkëlqyer; Dyfishimi i çerdheve dhe kopshteve do të lehtësojë koston e jetesës, jep mbështetje për nënat e reja dhe ndihmon në zhvillimin cilësor të fëmijëve. Shkolla cilësore e të mjaftueshme kudo e për të gjithë!
Pothuaj gjysma e shkollave 9 vjeçare dhe të mesme të Tiranës janë me dy turne ose tejet të mbipopulluara. Zona të tëra ku banojnë dhjetëra mijëra banorë si Astiri, apo zona afër Liqenit të Thatë nuk kanë fare shkolla; Në tetë vite të qeverisjes së Erjon Veliajt në Tiranë, ka marrë nga kjo taksë në total afro 400 milionë euro të cilat do të kishin mjaftuar që të përmbushnin disa herë kërkesën e qytetarëve për shkolla për fëmijët e tyre.
Fondet e një viti do të dedikohen menjëherë për të ndërtuar shkolla të reja atje ku nuk ka, e mandej për të ndërtuar institucione të reja shkollore në ato zona apo lagje të Tiranës që i kanë shkollat ekzistuese publike të mbi-populluara. Ky është zotimi ynë për punën që nis në Bashkinë e Tiranës pas 14 Maji.
