Meta sfidon Ramën nga Kopliku: Në qarkun e Shkodrës do të dalim 5-0, jeni të diskriminuar nga qeveria
Nga OraNews Përditësimi i fundit 5 Prill 2023, 12:08
Kryetari i Partisë së Lirisë, Ilir Meta në një takim nga Kopliku me kandidatin e koalicionit "Bashkë Fitojmë" ka sfiduar kryeministrin Edi Rama për zgjedhjet e 14 majit.
Ai tha se në zgjedhjet lokale si koalicion do të marrin në qarkun e Shkodrës rezultatin 5-0 dhe se ky qark është i diskriminuar nga Rilindja.
Meta: Nuk është rastësi kjo situatë sot, që njerëzit të largohen. Padre Pllumbi më thoshte; jemi popull blegtor. Do dalim 5-0 në qarkun e Shkodrës. Në qarkun ndoshta më të diskriminuar nga kjo qeveri. Po flasim për Shkodrën dhe se si mund t’i hiqet drejtoria e Arsimit?
Kjo gjë nuk është rastësi, është bërë enkas për t’i ulur peshën rëndësinë. Por Shkodra si qark do jetë në krye të rezultateve. Ju e shihni panikun e tyre. Nuk kanë asnjë propozim. E vetmja gjë që iu ka ngelur është presioni i njerëzve.
