Kujdes, goditje elektrike! Policëve dhe zjarrfikësve u merren kamerat e trupit
Nga OraNews Përditësimi i fundit 29 Mars 2023, 17:50
300 kamera trupi janë përdorur nga policia dhe zjarrfikësja e Berlinit.
Por kamerat e vogla nuk lejohen më të përdoren.
Kjo pasi dy zjarrfikës kanë pësuar goditje elektrike gjatë prekjes së pajisjeve.
Gjatë largimit të pajisjeve nga karikimi, dy oficerët ndjenë goditje të lehta elektrike.
Pas disa testeve, ishte e qartë se komponentët në stacionin bazë të karikimit janë të ndezura.
Menaxhmenti i zjarrfikësve ka njoftuar policinë, e cila ka testuar edhe kamerat e trupit të tyre me të njëjtin rezultat.
Një e-mail i brendshëm nga autoriteti thotë se funksionimi i pajisjeve tashmë është i ndaluar "për të përjashtuar rreziqet shëndetësore për personelin e shërbimit që i përdor ato".
"Ndaluam përdorimin e të gjitha kamerave të trupit si masë paraprake për të sqaruar arsyet dhe për të përjashtuar rreziqet shëndetësore"tha zëdhënësi i Sindikatës së Policisë.
Që nga dhjetori 2022, 250 kamera janë përdorur nga policia dhe 50 nga zjarrfikësit.
Oficerët duhet të përdorin pajisjet për të filmuar situata që zhvillohen në mënyrë agresive.
Kjo duhet të pengojë sulmuesit dhe të qetësojë situatën. Videot mund të përdoren edhe si provë në gjykatë.
