Arrestohet 14-vjeçari “El Chapito”, vrau 8 të rinj dhe plagosi 7 të tjerë në festën e ditëlindjes
Nga OraNews Përditësimi i fundit 17 Mars 2023, 15:25
Një djalë 14-vjeçar i quajtur “El Chapito” është arrestuar për vrasjen e tetë personave në një festë ditëlindjeje.
Departamenti Federal i Sigurisë Publike tha të enjten (16 mars) se djali, emri i vërtetë i të cilit nuk u bë i ditur, ishte i përfshirë në krime të lidhura me drogën.
Incidenti ndodhi në afërsi të qytetit të Meksikos më 22 janar të këtij viti, i cili rezultoi në vdekjen e tetë personave të pafajshëm.
Djali hipi në një motoçikletë dhe hapi zjarr ndaj një familjeje në periferi të Chimalhuacan të qytetit të Meksikës.
Pseudonimi i djalit 'El Chapito' është një referencë e dukshme për bosin e burgosur të drogës Joaquin 'El Chapo' Guzman.
Është raportuar se familja po mbante një festë në shtëpinë e tyre në momentin e sulmit, i cili la të plagosur edhe pesë të rritur dhe dy fëmijë.
Zyrtarët kanë pohuar gjithashtu se festa ishte në të vërtetë një festë ditëlindjeje, megjithëse nuk ka detaje nëse ai që festonte ka vdekur.
Departamenti Federal i Sigurisë Publike nuk ka detajuar motivet e mundshme pas sulmit, por problemet e drogës janë një çështje e dukshme në Meksikë.
Bandat e drogës, të cilat lulëzojnë në atë pjesë të vendit, shpesh merren me rrëmbime dhe vrasje me porosi.
Fatkeqësisht, Meksika nuk është e huaj për vrasësit e fëmijëve, pasi ushtarët arrestuan një tjetër 14-vjeçar të njohur si 'El Ponchis' në vitin 2010.
Ata pretenduan se ai u rrëmbye në moshën 11-vjeçare dhe u detyrua të punonte për Kartelin e Paqësorit Jugor, një degë e bandës së copëtuar Beltran Leyva.
Kur djali u arrestua, ai u tha gazetarëve se ishte droguar dhe kërcënuar se do të kryente krimet. Djali pretendoi se kishte marrë pjesë në të paktën katër prerje kokash.
