Tronditëse: 45-vjeçari dënohet me 15 vite burg për përdhunim fëmijësh, më i vogli 1 muaj
Nga OraNews Përditësimi i fundit 28 Shkurt 2023, 16:23
Një 45-vjeçar gjerman, i cili kishte ofruar shërbime për kujdesin e fëmijëve në internet, u dënua të martën me akuzën e abuzimit seksual të fëmijëve në një rast që tronditi edhe hetuesit.
Gjykata rajonale në Këln e dënoi të pandehurin, emri i të cilit nuk u bë i ditur për arsye privatësie, me 14 vjet e gjashtë muaj burg. Gjithashtu u urdhërua që ai të mbahej në izolim të sigurt pas përfundimit të dënimit.
Prokurorët i kishin kërkuar gjykatës një dënim 15-vjeçar, kohëzgjatja maksimale e lejuar normalisht sipas ligjit gjerman, duke argumentuar se krimet e të pandehurit ishin të rënda.
Hetuesit thanë se burri kishte dokumentuar abuzimin e foshnjave, fëmijëve dhe adoleshentëve dhe kishte ndarë video e imazhe të "brutalitetit të paimagjinueshëm" me dhjetëra njerëz.
Prokurorët e akuzuan burrin për më shumë se 120 raste të abuzimit seksual ndaj 13 fëmijëve midis 2005 dhe 2019. Viktima më e vogël ishte një muajshe.
I pandehuri i pranoi akuzat gjatë gjyqit dhe i përshkroi ato si "të neveritshme", sipas agjencisë gjermane të lajmeve dpa.
Policia e arrestoi burrin në fund të vitit 2021 në një shtëpi ku jetonte me gruan e tij në qytetin Wermelskirchen.
