Elon Musk pranon të heqë dorë nga shefi i Twitter sapo të gjejë një zëvendësues

Nga Siklajda Shorja Përditësimi i fundit 21 Dhjetor 2022, 08:42

Pasi 57.5% e përdoruesve të Twitter votuan pro largimit të shefit ekzekutiv Elon Musk, ky i fundit ka reagur duke u shprehur se do të largohet nga posti drejtues sapo të gjendet zëvëndësuesi i tij.

Elon Musk ka deklaruar se do japë dorëheqjen nga posti i shefit ekzekutiv të Twitter kur të gjendet zëvëndësuesi për këtë detyrë.

Miliarderi premtoi më herët se do t'i përmbahej rezultatit të sondazhit në Twitter, ku 57.5% e përdoruesve votuan pro largimit të tij nga posti drejtues.

Ai thotë se do të vazhdojë të drejtojë ekipet e softuerit dhe serverëve pasi të gjendet zëvendësimi i tij.

Ndryshimet në platformë që nga marrja e tij në pushtet janë kritikuar shumë.

Sondazhi i Musk të dielën mbrëma erdhi pas disa javësh vendimesh të diskutueshme.

Që kur Musk bleu faqen e medias sociale në tetor, ai ka shkarkuar rreth gjysmën e stafit dhe ka tentuar të përdorë veçorinë e verifikimit me pagesë të Twitter përpara se ta vendosë atë në pauzë. Funksioni u rilançua javën e kaluar.

Grupet e shoqërisë civile kanë kritikuar gjithashtu qasjen e tij ndaj moderimit të përmbajtjes, duke e akuzuar atë për marrjen e hapave që do të rrisin gjuhën e urrejtjes dhe dezinformimin.

Elon Musk njoftoi  se vetëm abonentët e “Twitter Blue” do të mund të votojnë në sondazhet e ardhshme të lidhura me politikat në platformë, pasi miliona përdorues votuan që ai të largohej nga posti i shefit ekzekutiv të faqes.