Vlora pa urbanë, qytetarët ankohen për shërbimin e munguar të transportit
Vlora është një prej qyteteve ku transporti urban ende nuk ka nisur. Qytetarët ankohen se shërbimi i munguar u ka krijuar vështirësi dhe u ka rritur koston për të lëvizur.
Autobusët e transportit urban nuk qarkullojnë në rrugët e Vlorës prej më shumë se katër muaj!
Shërbimi u ndalua për shkak të pandemisë së koronavirusit, ndërsa pas rihapjes, kompania private nuk ka rinisur punën pasi kundërshton protokollin e lëvizjes.
''Mirë do ishte që unë mos të shkoja në këmbë.''
Në pjesën dërmuese qytetarët e vlorës thonë se u mungon një shërbim i domosdoshëm.
''Pjesa tjetër e popullsisë, për shkak të largësisë së vendit të punës, është domosdoshmëri.''
Veç vështirësisë në lëvizje, për një pjesë mungesa e urbanëve është përkthyer në kosto financiare.
Thonë se në raste nevojë detyrohen të marrin mjete të tjera transporti të cilat kushtojnë më shumë!
''Do jetë i detyruar të përdorë një transport tjetër që është më i kushtueshëm.''
Burime thonë se transporti i munguar në Vlorë pritet të rifillojë funksionimin të hënën, ndërsa qytetarët i tremben rritjes së biletës.
''Ne kemi dëgjuar një infoemacion që do na e bëjë 70 çmimin e biletës.''
Sipas protokollit të Ministrisë së Shëndetësisë, mjetet e transportit do të funksionojnë me 70 % të kapacitetit, ndërsa maskat janë detyrim për udhëtarët.