Presidenti Ilir Meta ka kujtuar sot 15 vjetorin e ndarjes nga jeta të ish Presidentit të Kosovës Ibrahim Rugovës.

Nëpërmjet një mesazhi në Facebook, Meta shkruan se angazhimi i Rugovës për lirinë stabilitetin, demokracinë dhe bashkëjetesën mbetën shembuj të patundur frymëzimi ai donte një Kosovë të pavarur dhe demokratike.

“Vizioni im është, që të kemi një Kosovë të pavarur, demokratike, me një shoqëri politikisht tolerante dhe me një ekonomi solide, e integruar në BE dhe NATO, si dhe të vazhdojmë marrëdhëniet tona të mira me SHBA.” – IBRAHIM RUGOVA

Angazhimi i Tij jetësor për zgjimin kombëtar, vizioni euroatlantik për Kosovën Republikë, për paqen, lirinë, stabilitetin, demokracinë dhe bashkëjetesën në rajon, mbeten shembuj të patundur frymëzimi për t’i shërbyer me përkushtim, dinjitet dhe krenari çështjes shqiptare.

Ëndrra e Presidentit Rugova vazhdon!  shkruan Meta