Viti i ri shkollor, Peraj: Mësimi online ishte dështim, të reduktohet numri i nxënësve në klasa

Viti i ri shkollor, Peraj: Mësimi online ishte dështim, të

Rreth 2 javë na ndan nga fillimi i vitit të ri akademik.

Në një lidhje përmes Skype për 'Ora News', Arjan Peraj nga Sindikata e Arsimit, tha se janë ende të paqartë për mënyrën se si do të rifillojë mësimi.

Sipas tij, mësimi online ishte dështim, sepse mbi 40% e fëmijëve nuk kishin mundësi për të marrë pjesë në këtë platformë.

Arjan Peraj: ''Sot jemi më datë 15 gusht, dhe duhen rreth dy javë për fillimin e vitit arsimor në Shqipëri. Në zonat rajonale ka arritur një urdhër ku u kërkon drejtuesve të nxjerrin me datë 20 të gjithë mësuesit. Jemi para një dileme se si do të vijojë ky vit shkollor. Do vazhdojë i plotë, i alternuar apo online. Nëse do vazhdojë online, do kemi një dështim total. Vetë përvoja e kaluar në 6 muajt e dytë të vitit shkollor, u pa se nuk u mësua asgjë. Mësimi online, përveçse ishte një propagandë, ishte një mashtrim dhe nuk kishte asnjë rezultat. Pamundësia ekonomike, teknologjike në Shqipëri, ka bërë që mbi 40% e fëmijëve të mos marrë pjesë në këtë platformë.''

Sipas tij, është e mundur që të reduktohet numri i nxënësve në klasa.

Arjan Peraj: ''Është e mundshme që të reduktohet numri i nxënësve në klasa. Nëse një klasë në Tiranë ka 40 nxënës, të arrihet një limit me 15-20 nxënës, të punohet me turne, të shikohet mundësia e plotësimit me orë mësimi të mësuesve në sistem. Çfarë u bë këto muaj? Merret minstria me kualifikimin e mësuesve që i quajti ministrja heronj të heshtur, tani u bëri kualifikimin. Kjo është e rëndësishme para një  situate ku nuk dihet se si do të rifillojë arsimi? Le të shtojë një numër mësuesish, tu japë një kontratë, në këtë situatë.''

Intervistoi në studio Besmira Pelushaj, përgatiti për online Renato Çaushi.

Vendi Lajme Aktualitet mesimi online viti i ri shkollor

EMISIONET