Valbona "vishet" me të bardhë/ Turistët gjallërojnë bjeshkët pas reshjeve të dëborës

Valbona ka marrë një pamje magjike pas reshjeve të para të dëborës dhe është mbushur me turistë. Larg kaosit të qyteteve, i gëzohen klimës dhe aventurave që ofrojnë bjeshkët.

Valbona ka marrë një pamje magjike pas reshjeve të para të dëborës dhe është mbushur me turistë.

Larg kaosit të qyteteve, i gëzohen klimës dhe aventurave që ofrojnë bjeshkët. Valbona ka marrë pamjen që i shkon më së shumti.

Rruga që të çon drejt zonës së njohur turistike në Tropojë është zbardhur e gjitha, por mbetet e hapur për të gjithë.

Peizazhi me malet dhe pemët e mbuluara me të bardhë e ujin e kristaltë ngjan si pikturë. Dhjetëra turistë shijuan dëborën e parë për këtë sezon atje.

Vizitorë nga Shqipëria e trojet kishin shkuar posaçërisht për të pritur dëborën e parë që erdhi bashkë me festat kombëtare.

Larg betonit e kaosit të trafikut në qytete thonë se i gëzohen klimës, bukurive të natyrës por edhe mundësive të argëtimit që ofrohen.

Turizmi është kthyer në biznesin më fitimprurës për banorët e kësaj zone.

Janë ngritur bujtina e hotele ku shërbejnë vetë që turistët të ndjehen si në shtëpi.

Valbona të ofron natyrë të jashtëzakonshme në të gjitha stinët, por në në dimër cilësohet magjike.