Situata e përkeqësuar e motit, kapiteneria Vlorë ndalon edhe sot lundrimin e mjeteve të vogla lundruese

Situata e përkeqësuar e motit, kapiteneria Vlorë ndalon edhe sot

Si pasojë e motit të keq, kapiteneria e  Vlorës ka njoftuar vazhdimin e pezullimit të lundrimit për mjetet e vogla lundruese dhe mjetet e peshkimit dhe përgjatë ditës së sotme deri në orën 16:00 të pasdites.

Në  bazë  të  parashikimit  për  situatën  hidrometeorologjike  të  përkeqësuar  në  gjirin  e  Vlorës  dhe  jashtë saj  për  datën 06.12.2021  do të jetë  në  drejtimin Jug-Jugperëndim në  forcën  4-5bft 08-10m/s brenda  gjirit  të  Vlorës  dhe  jashtë  gjirit  të  Vlorës  në  forcën  6-7bft 10-17m/s me lartësi dallge  nga  1.50  deri  2.50  metra.

Pritet që situata meteorologjike  e përkeqësuar gjirin e  Vlorës  dhe  jashtë  saj  për  mjetet  e  vogla lundruese  dhe  të peshkimit  të përmirësohet pas orës 16:00 të ditës së sotme, 6 dhjetor.

EMISIONET