Shqiptarët i zë belaja në Maltë, pronari i pajton për të sulmuar ish-vjehrrin, të rinjtë pas hekurave

Shqiptarët i zë belaja në Maltë, pronari i pajton për

Një 37-vjeçar në Maltë doli në gjykatë të premten me akuzën se ka porositur dy ‘vrasës’ për të sulmuar babain 62-vjeçar të ish-gruas së tij, me të cilën ishte ndarë prej vitesh dhe ka një djalë, teksa ai po shkonte për të vrapuar përgjatë bregut të detit Sliema. 

Policia e përshkroi Matthew Joseph Schembri nga Sliema, si “truri” pas sulmit ndaj Louis Spiteri të enjten në mëngjes, raportojnë mediat malteze.

Schembri dhe dy autorët e dyshuar, shtetasit shqiptarë Xhovano Ndoci, 23 vjeç, i papunë dhe Agostin Marku, 23 vjeç, të cilët jetojnë së bashku në një apartament në Sliema në pronësi të Schembri, u akuzuan në lidhje me sulmin.

Ata i mohuan akuzat kur u paraqitën në gjykatë para gjykatësit Charmaine Galea të premten pasdite dhe u lanë në paraburgim. 

Spiteri më parë përshkroi se si dy shqiptarët ishin ulur në një stol kur ata u ngritën dhe e goditën me grusht në fytyrë teksa ai po kalonte me vrap përpara kopshtit George Bonello Dupuis. 

Ai duhej të trajtohej në spital për plagët e marra. 

Kur ata u arrestuan i thanë policisë se ishin të porositur për të kryer sulmin. 

Të tre burrat i mohuan akuzat në lidhje me bashkëpunimin për dhunën ndaj Louis Spiter. Ndoci u akuzua gjithashtu për mbajtjen e një objekti të mprehtë  në publik pa leje policie.

Gjykata dëgjoi se dy të rinjtë shqiptarë jetonin në një pronë që u ishte dhënë nga Schembri, drejtor i një kompanie, dhe ndodheshin në Maltë me financa të kufizuara.

Avokati i tyre pretendoi se dyshja kishin ardhur në Maltë për të punuar dhe kishin gjetur dikë që do t’i punësonte në mënyrë të paligjshme.

“Ata përfunduan si skllevër të tij (Schembri) me shpresën se do të gjenin vaktin e tyre të radhës. Ne duhet të shohim se kush duhej të përfitonte vërtet nga kjo situatë, nëse ishin këta dy burra që sulmuan, dikë që as nuk e njihnin – kishin një foto të tij – ose dikush tjetër”. 

Por avokati Schembrit, David Gatt,  pretendoi se qiramarrësit e tij nuk i kishin paguar kurrë "një cent qira" për vendin dhe kështu vendosën me vullnetin e tyre të sulmonin vjehrrin si një mjet pagese. 

Ai konfirmoi se viktima, i cili vjen edhe nga Rosario Spiteri, ishte babai i ish-bashkëshortes së tij, me të cilën Schembri është ndarë prej disa vitesh. 

Duke apeluar për lirimin me kusht, avokati i Schembri tha se ai kishte një precedent të pastër penal dhe një biznes të nisur nga babai i tij, me disa angazhime. 

Shqiptarët i zë belaja në Maltë, pronari i pajton për
Matthew Joseph Schembri (në mes) dyshohet se porositi Xhovano Ndocin (majtas) dhe Agostin Markun (djathtas) për të gjurmuar dhe sulmuar ish-vjehrrin e tij më 16 qershor.

EMISIONET