I riu mohon tritolvënien në shtëpinë e Dukës, u arrestua pas kthimit nga Tirana, dy akuza të rënda ndaj tij

I riu mohon tritolvënien në shtëpinë e Dukës, u

Arlen Hasanaj, 34-vjeçari durrsak që dyshohet se vuri tritolin në portën e jashtme të banesës së kreut të FSHF-së, Armand Duka,  mbrëmjen e 24 janarit, do të përballet me dy akuza të rënda.

Mbi të rëndojnë veprat penale “Shkatërrimi i pronës me eksploziv” dhe “Mbajtja pa leje dhe prodhimi i armëve, armëve shpërthyese dhe i municionit”.

I riu, banues në lagjen nr. 4, Durrës ku jeton edhe Duka,  u arrestua mbrëmjen e të martës, 25 janar.

"Arrestimi i këtij shtetasi u bë pasi, nga veprimet e para hetimore, dyshohet se është autori i vendosjes së tritolit në portën e jashtme të banesës së shtetasit A. D., ngjarje e ndodhur në datën 24.01.2022" tha policia.

Për identifikimin e ndihmuan kamerat e siguriësë dhe lëvizjet e të riut. Ora News mëson se deri tani ai nuk ka pranuar autorësinë e krimit.

Policia e arrestoi pasi u kthye nga Tirana dhe po shkonte në banesa. Gjatë shoqërimit ai nuk ka bërë rezistencë.

34-vjeçari nuk ka qenë i skeduar asnjëherë nga policia.

Grupi i posaçëm hetimor, nën drejtimin e Prokurorisë, po vijon punën për sqarimin e plotë të rrethanave të ngjarjes dhe sigurimin e provave të tjera ligjore.

Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.

 

EMISIONET