"Rigjallërohet” turizmi në Shëngjin, operatorët optimistë për një sezon veror të suksesshëm
Lehtësimi i masave dhe rënia e infektimeve me Covid po i jep frymëmarrje sektorit të turizmit në Shëngjin. Operatorët turistik atje kanë pritshmëri për një sezon të suksesshëm duke iu referuar prenotimeve. Shqiptarët e Kosovës mbeten pushuesit besnikë të Shëngjinit për shkak të balancës mes çmimit e shërbimeve por edhe afërsisë.
Prej 1 qershorit kur sezoni nisi zyrtarisht, numri i pushuesve në Shëngjin po njeh vetëm rritje.
Lehtësimi i masave dhe ulja e infektimeve po i japin frymëmarrje sektorit aq shumë të goditur nga pandemia.
Operatorët turistik thonë se referuar pronotimeve, pritshmëritë për këtë vit janë mjaft pozitive.
Besnik Sula: Kemi më përparësi në rezervime, për gushtin nuk diskutohet por edhe për korrikun. Kanë qenë shumë më të interesuar në rrjete sociale për të bërë rezervime.
-
-
EURO 2020, kombinimet në 1/8, mësoni përballjet e mundshme
20 Qershor, 13:49
Shqiptaret e Kosovës vijojnë të jenë pushuesit më besnikë të Shëngjinit.
Afërsia me këtë zonë turistike dhe shërbimet e përmirësuara, janë arsyet kryesore që ata zgjedhin Shëngjinin për pushime verore.
"Prej 25 vitesh vi këtu."
"Deti, plazhi, mikëpritja, gjithçka është në nivel."
"Janë 250 km, për dy orë e gjyëm vi."
Festivali Ndërkombëtar i Muzikës UNUM mbajtur në fillim të qershorit solli në Shëngjin mijëra turistë të huaj, duke shërbyer si nisje e mirë e këtij sezoni veror.