Punimet tek sheshi "Shqiponja" ja si devijohet trafiku në Tiranë

Punimet tek sheshi "Shqiponja" ja si devijohet trafiku në

Autoriteti Rrugor Shqiptar ka njoftuar se në datën 24 dhe 25 nëntor do të devijohet trafiku nga Ura e lumit Lana deri te kryqëzimi me zgjatimin e Bulevardit “Migjeni”.

Kjo vjen për shkak të punimeve që do të kryhen për shtresën e fundit të asfaltit në rrugët dytësore të Loti 2.

"Në datat 24-25.11.2021 gjatë natës do të kryhen punime në rrugën paralele perëndimore (krahu i pallateve) nga Ura e lumit Lana deri te kryqëzimi me zgjatimin e Bulevardit “Migjeni”, njofton ARRSH.

Trafiku do të devijohet nga ora 20:00 e mbrëmjes deri në orën 06:00 të mëngjesit.

Të gjitha automjetet që do të vijnë nga ish-sheshi Shqiponja, do të devijojnë vetëm majtas me destinacion rrethin e Pallatit me Shigjeta dhe do të jenë te bllokuara të gjitha degëzimet që lidhen me këtë aks dytësor me destinacion rrugën “Tom Plezha”. Gjithashtu nuk do të lejohen parkimet e automjeteve në këtë aks.

EMISIONET