Pronarët denoncojnë bashkinë: Po na grabitet prona në Tiranë në mënyrë banditeske

Aleksandër Doçi pronar i një trualli në rrugën “Stavri Themeli” i bën thirrje qeverisë që të mos lejojë abuzimin që po i bëhet në pronën e tij.

Ai thotë se bashkia ka dhënë leje ndërtimi ndërsa ai si pronar me dokumentacione nuk është pyetur.

Ka hipur në vinç si të vetmen mënyrë që i ka mbetur për të ndaluar punimet në pronën e tij

Aleksandër Doçi prej muajsh ka denoncuar fillimin e punimeve në truallin e tij në rrugën “Stavri Themeli”.

“Firma vijon të punojë prapë e pashqetësuar, sado që ne bërtasim e ulërasim që të dëgjojnë institucionit, Jemi përballë një grabitjeje e nuk po na mbrojnë. Jemi ankuar në bashki, kemi kërkuar informacion, por nuk kemi asnjë përgjigje.”

Edhe pse është pronar me vërtetim pronësie dhe më pas e njohur edhe nga tre shkallët e gjykatës ai nuk është pyetur për ndërtimin në truallin e tij.

“Ore nuk na kanë pyetur fare, por e kanë marrë në mënyrë banditeske. Më shqetëson indiferenca e shtetit. Nuk pyet fare për vendimet e gjykatës, vërtetimet e pronësisë.”

Thotë se shpreson që drejtësia të vihet në vend sa më parë .

Doçi kërkon ndihmë që të respektohen ligjet pasi shteti i cili bën vet ligjet nuk po i zbaton ato.

EMISIONET