Njëri gjendet i mbytur në Durrës, tjetri pa shenja jete në fshatin Larushk, policia po heton ngjarjet

Njëri gjendet i mbytur në Durrës, tjetri pa shenja jete në

Një 60 vjeçar dyshohet se aksidentalisht është mbytur në det në Durrs ndërsa një 82 vjeçar është gjetur pa shenja jete në fshatin Larushk, Fushë Krujë.

“Rreth orës 11:45, në Sektor Rinia, Durrës, dyshohet se aksidentalisht është mbytur në det shtetasi G. Z., rreth 60 vjeç, banues në Sektor Rinia.”, njofton policia.

Sakaq rreth orës 15:11, është gjetur në një arë, në fshatin Larushk, Fushë Krujë, pa shenja jete dhe pa shenja dhune, shtetasi K. B., 82 vjeç, banues në Barkanush, Krujë, thuhet në njoftimin e policisë.

Paraprakisht, dyshohet se 82-vjeçari ka humbur jetën për shkaqe natyrale.

Sipas deklarimeve të familjarëve, ky shtetas ishte larguar nga banesa më datë 27.09.2022.

Grupi hetimor po punon për sqarimin e rrethanave të ngjarjes.

EMISIONET