Në automjet me 8 kg kanabis, një automatik dhe karikatori me 30 fishekë, arrestohen tre të rinj në Tropojë

Tre persona janë arrestuar në Tropojë pasi në automjetin e tyre u gjetën 8 kg lëndë narkotike e dyshuar kanabis, automatik dhe municion luftrak.

Në kuadër të operacionit "Rrjeta" u arrestuan: Ersid Gjonaj, 24 vjeç, banues në Geghysen, Tropojë, Fran Sokoli, 34 vjeç, banues në Bugjon, Pukë dhe Elisjon Memaj, 22 vjeç, banues në Fierzë, Tropojë.

KETU LAJMET MINUTE PAS MINUTE

"Këta shtetas u kapën në flagrancë nga shërbimet e Policisë, në vendin e quajtur “Ura e Drinit”, Fierzë, duke udhëtuar me automjetin tip "Mitsubish", në të cilin, gjatë kontrollit, shërbimet e Policisë gjetën rreth 8 kilogramë lëndë të dyshuar narkotike kanabis, 1 armë zjarri automatik, si dhe një karikator me 30 fishekë, të cilat u sekuestruan në cilësinë e provës materiale," njofton policia.

Në cilësinë e provës materiale u sekuestrua rreth 8 kilogramë lëndë e dyshuar narkotike kanabis, një armë zjarri automatik dhe municion luftarak.

Vijojnë hetimet për identifikimin dhe vënien para përgjegjësisë ligjore të personave të tjerë të implikuar në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë Tropojë, për veprat penale "Prodhimi dhe shitja e narkotikëve" dhe "Mbajtja pa leje e armëve, armëve shpërthyese dhe i municionit".

EMISIONET