Nano me homologët gjermanë: Bashkëpunim për krimin e organizuar dhe terrorizmin

Nano me homologët gjermanë: Bashkëpunim për krimin e

Drejtori i Përgjithshëm i Policisë së Shtetit, Gledis Nano ndodhet për një vizitë pune, në Berlin, Gjermani, ku po zhvillon një sërë takimesh me zyrtarët më të lartë të Policisë gjermane dhe të agjencive ligjzbatuese.

Nano është pritur në takim nga Presidenti i Zyrës Federale të Krimeve të Gjermanisë (BKA) Holger Münch dhe nga Zëvëndëspresidentja e Zyrës Federale të Krimeve (BKA) të Gjermanisë, Martina Link.

Në fokus të takimit midis kreut të Policisë shqiptare dhe drejtuesve të BKA-së në Gjermani, ishte forcimi i bashkëpunimit midis Policisë së Shtetit dhe BKA-së për ta ngritur në një nivel tjetër ndërveprimin midis dy policive.

Nano dhe Münch diskutuan për rritjen e hetimeve të përbashkëta kundër grupeve kriminale në fushën e krimit të organizuar, krimeve të rënda dhe terrorizmit si dhe për shtimin e operacioneve të përbashkëta për këtë qëllim.

Münch: Besueshmëria dhe profesionalizmi i Policisë shqiptare është garanci për ta forcuar këtë bashkëpunim në interesin tonë të përbashkët, atë të luftës kundër krimit të organizuar dhe terrorizmit. Ju përgëzoj për punën dhe sfidat që keni marrë përsipër dhe ju garantoj se do të keni përherë mbështetjen e BKA-së.

Nano: Ju falënderoj për besimin, vlerësimin dhe mbështetjen dhe dua t’ju siguroj se unë jam shumë i vendosur dhe i qartë në prioritetet dhe sfidat që kemi si Polici e Shtetit dhe këto nuk mund t’i realizojmë dot pa bashkëpunimin e ngushtë me partnerët strategjikë, siç është dhe BKA-ja.

Nano me homologët gjermanë: Bashkëpunim për krimin e

EMISIONET