Meta uron Pavarësinë: Sakrificat e gjaku i derdhur, pishtari që ndriçon mendjet në çdo kohë

Meta uron Pavarësinë: Sakrificat e gjaku i derdhur, pishtari që

Kreu i Partisë së Lirisë Ilir Meta ka uruar sot shqiptarët për festën e Pavaërsisë.

Përmes një statusi në Facebook ai bëri thirrje se patriotizmi, sakrificat dhe gjaku i derdhur duhen të jenë në çdo kohë pishtari që na ndriçon mendjet dhe udhën e duhur për të mbrojtur Shqipërinë nga çdo rrezik.

"Sot në Ditën e Flamurit Kombëtar, përulemi me nderim para veprës së ndritur të Ismail Qemalit dhe Etërve të Pavarësisë, që 110 vjet më parë themeluan shtetin modern duke patur për ideal të shenjtë vetëm Atdheun dhe fatet e Tij.

Patriotizmi, sakrificat dhe gjaku i derdhur për Flamurin Kombëtar duhen të jenë në çdo kohë pishtari që na ndriçon mendjet dhe udhën e duhur ku duhet të ecim për të mbrojtur Shqipërinë nga çdo rrezik i ri dhe për ta bërë këtë tokë të bekuar sa më të begatë, ku sot e mot të gjithë shqiptarët dhe fëmijët e tyre të jetojnë me dinjitet dhe krenari.

Lavdi përjetë 28 Nëntorit të Gjergj Kastriot Skënderbeut, Ismail Qemalit, Isa Boletinit dhe Adem Jasharit!" shkruan Meta.

EMISIONET