"Unë nuk jam për tu kontrolluar...”, Si u vra nënkomisari Saimir Hoxha. Kronologjia e plotë e krimit në Lezhë

Një parcelë me 62 rrënjë kanabisi është bërë shkak për vrasjen e nënkomisarit Saimir Hoxha paraditen e 28 shtatorit 2021 në Lezhë.

Policia e shtetit dha sot (29 shtator) informacion përfundimtar në lidhje me ngjarjen e ndodhur më datë 28 shtator 2021, ku mbeti i vrarë në krye të detyrës oficeri i Policisë Saimir Hoxha.

44-vjeçari së bashku me kolegun Petrit Doda, dhe shefin e Krimeve në Komisariatin e Lezhës Leonard Palushi kishin marrë informacion për një parcele kanabisi në zonën e Kune Vaint në Ishull Lezhë dhe ishin nisur aty.

Policet ishin civile

Të tre efektivët ishin të veshur me veshje civile, ndërsa njëri prej tyre ishte me jelek fosforeshent me mbishkrimin “Policia”. Pasi kanë asgjësuar drogën ata janë nisur drejt Komisariatit të Lezhës.

"Gjatë kthimit, në një distancë rreth 500 metra nga miniparcela ku u asgjësuan bimët narkotike, grupi i kontrollit është shkëmbyer me automjetin  tip “Volkswagen” me  targa AA984TL,  në vendin e quajtur Vain, Ishull Lezhë.

Ky automjet, pasi është shkëmbyer me automjetin që  lëviznin punonjësit e policisë, pas disa minutash është kthyer dhe ka lëzizur në drejtim të qytetit të Lezhës, mbrapa automjetit të punonjësve të  Policisë."

Ky veprim i ka bërë policët që të dyshojnë, dhe të vendosin ta ndalojnë për kontroll në vendin e quajtur Postblloku i Zonës së Mbrojtur Kune Vain”.

Punonjësit e Policisë kanë konstatuar se në makinë ndodheshin tre persona, në dy vendet e para Aleksander Marku 26 vjeç dhe Kristian Sherri 27 vjeç, ndërsa në sedilen e pasme 21 vjeçari Aldi Rama, i cili ishte nën masën e sigurisë “arrest shtëpie”.

Dy personat para kanë zbritur pas kërkesës së policëve ndërsa nënkomisri Saimir Hoxha i ka kërkuar dokumentet Aldi Ramës, i cili dyshohet të ketë qenë nën efektin e lëndëve narkotike, dhe pa lëvizur nga mjeti ka thënë ”Unë nuk jam për tu kontrolluar...”.

Në këtë moment ai ka nxjerrë armën e zjarrit pistoletë tip TT dhe e ka qëlluar me dy plumba oficerin e Policisë.

Më pas 21 vjeçari ka kaluar në vendin e shoferit dhe është larguar me automjet me shpejtësi. Dy efektivat e policisë Doda dhe Palushi kanë shkrepur 9 plumba, 4 prej të cilëve kanë përshkuar xhamat e makinës, por pa arritur që ta ndalin autorin.

Aldi Rama ka braktisur automjetin dhe është larguar me vrap, duke iu fshehur ndjekjes së mëtejshme të forcave të Policisë. Pas disa orësh kërkimesh, ai është lokalizuar në afërsi të argjinaturës në Lagunën e Vainit ku rreth orës 15:50 ka plagosur veten në kokë me armën pistoletë TT, me të cilën kishte vrarë edhe efektivin Saimir Hoxha.

Dy personat që ndodheshin në makinë me autorin  janë arrestuar nga policia per akuzën e moskallzimit të krimit ë lidhje me armën që kishte me vete 21 vjecari. Ata kanë treguar per hetuesit se në vendin ku ndodhi ngjarja kishin shkuar për të konsumuar hashah ndërsa nuk kishin lidhje me parcelen me cannabis që ishte asgjesuar nga efektivet e policisë.

"Unë nuk jam për tu kontrolluar...”, Si u vra

Versioni zyrtar i policise

Më  datë 28.09.2021, në zbatim të detyrave të përcaktuara në planin e masave për kontrollin e territorit, bazuar dhe në informacionet e marra në rrugë operative për ekzistencën e një miniparcele të kultivuar me bimë narkotike, nga strukturat e Komisariatit të Policisë Lezhë është formuar grupi i kontrollit, me qëllim kontrollin e zonës Kune Vain. Grupi i kontrollit përbehej nga tre punonjës policie dhe kryesohej nga shefi i Seksionit për Hetimin e Krimeve në Komisariatin e Policisë Lezhë.

Punonjësit e Policisë kanë qenë me veshje civile dhe njëri prej tyre ishte me jelek fosforeshent me mbishkrimin Policia.

Grupi i kontrollit ka konstatuar një  miniparcelë  me bimë  narkotike, ku janë  gjetur dhe asgjësuar me anë të djegies, 62 bimë narkotike, ku disa nga këto bimë janë sekuestruar me cilësinë e provës materiale, me qëllim kryerjen e ekspertimeve të nevojshme, në interes të dokumentimit të plotë ligjor të kësaj vepre penale. Materialet procedurale lidhur me kultivimin e bimëve narkotike do të  referohen në  Prokurorinë e Rrethit Gjyqësor Lezhë, më datë 29.09.2021.

Gjatë kthimit, në një distancë rreth 500 metra nga miniparcela ku u asgjësuan bimët narkotike, grupi i kontrollit është shkëmbyer me automjetin  tip “Volkswagen” me  targa AA984TL,  në vendin e quajtur Vain, Ishull Lezhë. Ky automjet, pasi është shkëmbyer me automjetin që  lëviznin punonjësit e policisë, pas disa minutash është kthyer dhe ka lëzizur në drejtim të qytetit të Lezhës, mbrapa automjetit të punonjësve të  Policisë.

Grupi i kontrollit ka vendosur që ta ndalojë automjetin dhe të ushtrojë kontroll, në vendin e quajtur “Postblloku i Zonës së Mbrojtur Kune Vain”. Pasi iu është dhënë shenjë ndalimi, me qëllim verifikimin e tyre, automjeti është ndaluar dhe punonjësit e Policisë, pasi janë prezantuar si punonjës të Policisë së Shtetit, u kanë kërkuar personave që ndodheshin në automjet dokumentet e identifikimit dhe kanë ushtruar kontroll fizik tek shtetasit Armando Marku dhe Kristjan Sherri, të cilët kanë paraqitur dokumentet e identifikimit dhe i janë bindur kontrollit fizik të Policisë.

Në momentin që nënkomisar Saimir Hoxha i ka kërkuar dokumentin e identifikimit, shtetasit që ndodhej në sediljen e pasme të automjet, ai është shprehur se ”Unë nuk jam për tu kontrolluar...”, dhe ka nxjerrë armën e zjarrit pistoletë tip TT dhe e ka qëlluar me dy plumba oficerin e Policisë, duke e plagosur rëndë atë. Gjatë transportit për në spital, oficeri i Policisë ka gjetur vdekjen. Autori i vrasjes së oficerit të Policisë ka mundur të kalojë në vendin e  shoferit dhe është larguar me automjetin me të cilin udhëtonin këta persona. Oficerët e grupit të kontrollit kanë reaguar me armët e shërbimit kundër automjetit në largim, me qëllim neutralizimin e tij. (Në vendngjarje janë sekuestruar 9 gëzhoja të kalibrit 9 milimetra, që përkojnë me armët e punonjësve të Policisë. Në automjetin e autorit janë konstatuar 4 dëmtime nga predhat me armë zjarri, me drejtim nga jashtë brenda). Në ndihmë të grupit të kontrollit, pas njoftimit të dhënë për ngjarjen, kanë shkuar forcat “Shqiponja” dhe drejtuesit e Drejtorisë Vendore dhe te Komisariatit të Policisë Lezhë.  Nga ndjekja që i është bërë automjetit, autori tashmë i identifikuar si Aldi Rama, ka braktisur automjetin dhe është larguar me vrap, duke iu fshehur ndjekjes së mëtejshme të forcave të Policisë.

Menjëherë, nga shërbimet e Drejtorisë Vendore të Policisë,  të Komisariatit të Policisë Lezhë, Kurbin dhe Mirditë janë marrë masa për kufizimin e zonës dhe ngritjen e pikave të kontrollit.

Në ndihmë të tyre janë dërguar me urgjencë forcat special Renea, Reparti i FNSH Shkodër dhe Reparti i FNSH Tiranë. Në drejtimin e  këtyre forcave kanë qenë drejtuesit më të lartë të Policisë së Shtetit.

Pas disa orë ndjekjeje të autorit, duke përdorur dronë, qentë e kërkimit, si dhe helikopterin, është bërë i mundur lokalizmi i vendit ku fshihej  autori i dyshuar i ngjarjes dhe konkretisht në afërsi të argjinaturës në Lagunën e Vainit.

Forcat special Renea dhe FNSH kanë bërë rrethimin në një perimetër të gjerë të vendit, ku fshihej autori  i dyshuar i ngjarjes dhe i kanë bërë thirrje në mënyrë të përsëritur për rreth 45 minuta që autori të vetëdorëzohej. Shtetasi Aldi Rama nuk i është përgjigjur thirrjes për vetëdorëzim, por është vetëplagosur në kokë me armën  tip TT, e cila u sekuestrua  në cilësinë e provës materiale. Po kështu, në afërsi të vendit ku u gjet i vetëplagosur autori, u gjet dhe u sekuestrua në cilësinë  provës materiale një gëzhojë  model 54 e kalibrit 7.62 milimetra  si ato  që përdorin pistoletat TT.  Autori i vetëplagosur është transportuar me barelë menjëherë deri në vendin e quajtur  “Postblloku i Zonës së Mbrojtur Kune Vain”, pasi ishte e pamundur futja e autoambulancës në vendngjarje, për shkak të terrenit. Më pas është dërguar në Spitalin Rajonal Lezhë me autoambulancë dhe më vonë nga autoritetet spitalore është dërguar për ndihmë mjekësore më të specializuar mjekësore në Spitalin e Traumës Tiranë.

Grupi hetimor, nën drejtimin e Prokurorisë së Rrethit Gjyqësor Lezhë, ka kryer të gjitha veprimet e nevojshme hetimore si këqyrja e vendit të ngjarjes, këqyrja e automjetit të braktisur, këqyrja e vendit ku është vetëplagosur autori Aldi Rama, pyetja me cilësinë e presonit që kanë dijeni për rrethanat e hetimit të punonjësve të policisë, si dhe të dëshmitareve të tjerë okularë, sekuestrimi i pamjeve filmike të përfituara nga kamerat e sigurisë në të gjithë aksin rrugor dhe në zonën përreth vendit të ngjarjes. (Ky veprim hetimor vijon edhe gjatë ditës së sotme), sekuestrimi në të gjitha vendet i provave materiale, përgatitja e vendimeve të ekspertimit  në lidhje me provat  dhe dërgimi i tyre në Institutin e Policisë Shkencore, etj. (Në ndihmë të strukturave të Drejtorisë Vendore të Policisë Lezhë është dërguar një grup ekspertësh të Institutit të Policisë Shkencore Tiranë).

"Unë nuk jam për tu kontrolluar...”, Si u vra

Në përfundim  të kryerjes së veprimeve procedurale janë arrestuar në flagrancë shtetasit:

1. Aldi Rama, 21 vjeç, banues në Lezhë, lagja “Skenderbeg”, për veprën penale “Vrasjes e punonjësve të Policisë së Shtetit”, parashikuar nga neni 79/b i Kodit Penal dhe “Prodhimi dhe mbajtja pa leje e armëve luftarake dhe e municonit”, parashikuar nga neni 278 i kodit Penal, i dënuar më parë  me vendimin Nr.53-2019-708, datë 04.03.2019, të Gjykatës së Rrethit Gjyqësor Lezhë, me 3 vite e 4 muaj burgim, për  veprat penale “Vjedhja” dhe “Prodhimi dhe shitja e  lë ndë ve narkotike”, (arrestuar më  datë  29.07.2018 dhe liruar me kusht më  datë 04.03.2019). Gjithashtu ky shtetas rezulton të jetë arrestuar më  datë 20.10.2020, për veprën penale “Prodhimi dhe shitja e lë ndë ve narkotike”, pasi i është gjetur një sasi lënde narkotike  canabiss sativa, ku me vendimin 261, datë 22.10.2020, të Gjykatës së Rrethit Lezhë, është caktuar masa e sigurimit personal “Arrest me burg”. Me vendimin nr.375, datë 06.05.2021, Gjykata e Rrethit Lezhë, ka vendosur shuarjes së masës së sigurimit arrest me burg dhe ka caktuar ndaj tij masën e sigurimit personal “Arrest në shtëpi. (Ky shtetas ka gjetur vdekjen në spitalin e Traumës Tiranë në orën 05.35 minuta të mëngjesit të sotëm. Nga grupi hetimor edhe aktualisht vazhdojnë veprimet hetimore për kryerjen e autopsisë  dhe përcaktimin e shkakut të vdekjes së këtij personi.)

2.      Armando Marku , 26 vjeç, i arrestuar  për veprat penale “Moskallëzim krimi” parashikuar nga neni 300 i Kodit Penal dhe “Përkrahje e autorit të krimit”, parashikuar nga neni 302 i Kodit Penal. Ky shtetas  ka qene i dënuar më parë për veprë ne penale “Vedhja”, parashikuar nga neni 134 i Kodit Penal.

3.      Kristjan Sherri, 25 vjeç,  i arrestuar  për veprat penale “Moskallëzim krimi” parashikuar nga neni 300 i Kodit Penal dhe “Përkrahje e autorit të krimit”, parashikuar nga neni 302 i Kodit Penal.

Grupi hetimor nën drejtimin e Prokurorit vazhdon hetimin për të verifikuar lidhjen e autorëve të arrestuar me miniparcelën e asgjësuar nga ana e policisë. (Rezultatet e hetimit mbi këtë çështje do ti bëhen të ditura opinionit publik në një njoftim të posaçëm në ditët në vijim.)

EMISIONET