Kapet në portin e Durrësit vëllai i Nuredin Dumanit, në Elbasan kontrolle për arrestimin e Talo e Suel Çelës

Kapet në portin e Durrësit vëllai i Nuredin Dumanit, Roland Dumani.

Mësohet se ai po tentonte të largohej drejt Italisë kur është ndaluar nga policia. 

Policia portuale në Durrës e ka ndaluar Dumanin në kuadër të operacioni “Plumbi i Artë” dhe mësohet se ishte me tifozët e Romës për finalen e 25 majit, raporton gazetari i Ora News, Elton Qyno. 

Dyshohet se Roland Dumani mund të ketë dijeni për disa ngjarje ku është përfshire vëllai i tij.

Ai do të merret në pyetje dhe mund të ketë informacione lidhur me aktivitetet e përfshira të të vëllait të tij, i cili tashmë po bashkëpunon me drejtësinë.

 

Ndërkohë gjatë paradites së sotme kanë vijuar kontrollet e imtësishme në Elbasan nga forcat Shqiponja në kuadër të operacionit “Plumbi i Artë”. 

Policia ka ngritur pika kontrolli në të gjitha hyrjet e daljet e qytetit.

Objektivi është arrestimi i Talo Çelës, Suel Çelës dhe personave që bashkëpunojnë me të.

EMISIONET