Çipa: Fundi pandëshkueshmërisë i pakthyeshëm, SHBA do ketë reagime të reja në vjeshtë

Analisti Aleksandër Çipa është i bindur se shtatori, tetori e nëntori do të jenë muaj intensivës sidomos nga institucionet amerikane. 

Në një intervistë për Ora News ai tha se beson tek një protagonizëm që do i shkaktojë kosto Shqipërisë nga ana e zotit Berisha.

“Pres në periudhën e shtatorit nga institucionet amerikane të kenë përsëri reagime për mbylljen e regjimit të pandëshkueshmërisë. Kjo është e pakthyeshme” analizon Çipa në një intervistë në studion e Ora News me gazetaren Matilda Mcini.

Si e sheh përplasjen Berisha – SHBA?

“Druaj të besoj tek një protagonizëm që do i shkaktojë kosto Shqipërisë nga ana e zotit Berisha. Ai e ka ezauruar kohën e bërjes së historisë së vete.

Po heshtjen e Bashës për çështjen e Berishës si e sheh?

“Heshtja  e Bashës deri në këtë moment kuptohet me fakti se ai kërkon të verifikojë dhe marrë në shqyrtesë të gjitha dimensionet brenda PD-së që ai kryeson. Berisha deri në momentin që flasim ka ndikuar në PD dhe vijon të ndikojë jo vetëm përmes influencës njerëzore por hijes së vet edhe pse kjo është refuzuar nga Berisha.”

EMISIONET