I riu i sëmurë apel për ndihmë, Klodian Ceka vuan nga problem shëndetësore që nuk trajtohen në Shqipëri

Sëmundja e rrallë e quajtur Limfa po e përball çdo ditë 29 vjeçarin Klodian Ceka me përkeqësimin e shëndetit.

Prej 2 vitesh jeta e tij është e ndarë mes spitaleve dhe kushteve të vështira në banesën e tij në Macukull të Matit.

Stafet mjekësore në Tiranë nuk mund ta marrin përsipër kurimin e tij, ndërsa shpresën tani e kanë jashtë vendit.

Mes dhimbjeve të sëmundjes, Klodiani kërkon ndihmë për kurimin që tek ai mund të realizohet vetëm përmes transfuzionit të gjakut.

"Më kanë kërkuar një transplant gjaku për ta bërë në Turqi. Ju bëj thirrje vëllezër, motra kush ka mundësi të më ndihmojë meqë është shëruese," thotë Klodiani.

Prindërit e 29 vjeçarit ndihen te pafuqishëm për ndaluar dhimbjet tij. Deri tani kanë shpenzuar rreth 21 mijë euro, edhe ato të marra borxh.

Për trajtimin e të riut nevojiten 40 mijë euro, ndaj shpresën e vetme e kanë te humanizmi i shqiptarëve.

"E çuam një herë në Turqi, e çoi spitali me shpenzimet e mia dhe ato japin versionin që eleminimi i plotë i sëmundjes mund të bëhet vetëm nga transplanti i plotë i gjakut."

"Turku thotë që do bëjë një transplant gjaku dhe ne jemi të pamundur."

Spitalet e Turqisë tashmë janë njohur me analizat e Klodian Cekës, dhe e marrin përsipër atë.

"Spitali turk e ka marrë përsipër vetëm me transplant gjaku" thotë kushëriri i Klodianit.

Sëmundja e 29-vjeçarit është një çrregullim i rëndë në sistemin limfatik të trupit, që kryesisht djagnostikohet te moshat e rritura.

Sëmundja shfaqet kryesisht në qafë, sqetulla, kraharor dhe bark, ndërkohë që zhvillimi i shkencës dhe teknologjisë ka gjetur zgjidhje për trajtimin e saj ndaj dhe familja e 29 vjeçarit ka shpresë se Klodian Ceka do të fitojë ndaj sëmundjes.

EMISIONET