I kërkuan dorëheqjen e ministres Kumbaro, Rama bën "kurban" zëvendësministren e Turizmit, Ornela Çuçi
Në valën e një kërkese qytetare për dorëheqjen e ministres së Turizmit Mirela Kumbaro pas tragjedisë së ndodhur në Potam të Himarës, me 2 gusht, ku efektivi Arjan Tase përplasi për vdekje me skaf 7-vjeçaren Jonada Avdia, qeveria shqiptare bën shkarkimin e parë në këtë dikaster.
Këshilli i Ministrave ka shkarkuar nga detyra zëvendësministren e Mjedisit dhe Turizmit, Ornela Çuçi, e cila e mbante këtë post që prej vitit 2017.
“Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Znj. Ornela Çuçi, zëvendësministër i Turizmit dhe Mjedisit, lirohet nga kjo detyrë. Ky vendim hyn në fuqi menjëherë”, thuhet në vendim.
Vendimi është marrë me 29 korrik por është botuar vetëm dje (8 gusht) në Fletoren Zyrtare.
Në dy protesta radhazi, shoqëria civile dhe qytetarët kërkuan dorëheqjen e Kumbaros, Bledi Çuçit dhe Gledis Nanos duke i akuzuar si përgjegjës që mosgarantimin e sigurisë në plazhet e vendit që prodhuan edhe tragjedinë në Himarë.