Humbasin "çelësat", asnjë i strehuar në Ndroq pas inaugurimit nga Rama dhe Veliaj

Edhe pse u inaugurua përfundimi i punimeve të shtëpive individuale në Ndroq, aty ku pritej të strehoheshin të dëmtuarit nga tërmeti i tre viteve më parë, në zonë nuk ka asnjë familje. Deri më tani mbetet enigmë se pse asnjë familje nuk është akomoduar, ndërkohë para kamerave të Bashkisë u dhuruan për disa familjarë dhe çelësa banesash.

Edhe pse u premtua që familjet e dëmtuara nga tërmeti i 26 nëntorit të 2019-ës do të akomodoheshin në banesat sociale në Ndroq, zona vijon të jetë bosh.

Shtëpitë duken të përfunduar, por edhe pse u premtua që brenda vjeshtës do të strehoheshin familjet pa strehë, ajo që mbetet enigmë është fakti se pse askush prej tyre nuk ka hyrë ende.

KETU LAJMET MINUTE PAS MINUTE

Lagjja e re në Ndroq u inaugurua nga kryeministri Edi Rama dhe kryebashkiaku Erion Veliaj,  por në zonë nuk gjen asnjë person, madje as ata që para kamerave qeveritare iu dhuruan dhe çelësat e banesave të reja.

Në lagjen e re në Njësinë Administrative Ndroq janë ndërtuar 74 shtëpi individuale ku priten të strehohen më shumë se 300 banorë.

Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.