“Gjykata bllokon vendimin e gjyqtares Muça” Garo: Po nuk u dha deri të hënën PD do ta kallëzojë penalisht

Duke se grupi i Rithemelimit të PD-së, do të bëjë një kallëzim penal nëse nuk publikohet deri të hënë zyrtarisht vendimi i gjyqtares Muça.

Përmes një dalje për mediet drejtoresha e Komunikimit e Komisionit të Rithemelimit të Partisë Demokratike Floriana Garo tha se PD do të paraqesë kallëzim penal për shpërdorim detyre për cilindo personazh të përfshirë në këtë skenar të jashtëligjshëm./

Ajo shtoi se theksoi se Partia Demokratike i ka kërkuar zyrtarisht Gjykatës se Tiranës qe t'i komunikojë vendimin e gjyqtare Blerina Muçaj e cila pranoi ankimin e deputetit Enkelejd Alibeaj kundër vendimit të Partisë Demokratike.

Garo: Jam këtu përpara jush për të denoncuar praktikat abuzive të gjykatës së Tiranës, e cila ne vijim të ndërhyrjeve të paligjshme në procesin e konfirmimit të organeve drejtuese legjitime të partisë, vazhdon të bëhet palë  në proces, duke favorizuar një fraksion i cili pasi mbajti peng vulen e demokrateve për muaj me radhe, tani kerkon përsëri t'i bllokojë ata nëpermjet marifetesh proceduriale. Konkretisht, qe ne daten 26 Prill, Partia Demokratike i ka kërkuar zyrtarisht Gjykatës se Tiranës qe t'i komunikojë vendimin e gjyqtare Blerina Muçaj e cila pranoi ankimin e deputetit Enkelejd Alibeaj kundër vendimit të Partisë Demokratike, me qëllim që të ushtronim të drejtën tonë ligjore të ankimit. 

Prej më shumë se 2 javësh, Gjykata e Tiranës nuk kthen përgjigje dhe nuk na vë në dispozicion vendimin duke u bëre pengesë për ta ankimuar këtë vendim në kundërshtim të plotë me ligjin. Arsyeja e vetme e kësaj manovre vonese është që dosja e regjistrimit në gjykatë te Kuvendit të 11 Dhjetorit të degdiset në gjykatën e Apelit përpara se Partia Demokratike të ketë mundësine të ankimojë vendimin e gjyqtares Muça. Partia Demokratike i bën thirrje drejtuesve të Gjykatës Tiranë, përkatësisht kryetarit Flamur Kapllani dhe Kancelarit Donald Xhelili që të mos bëhen pjesë e këtij skenari bllokimi të paligjshëm. 

Nga ana tjetër, Partia Demokratike paralajmëron se n.q.s. deri në përfundim të orarit zyrtar të ditës së hënë ende nuk do t'i jetë komunikuar zyrtarisht vendimi i gjyqtares Muça, atëherë ajo do të paraqesë kallzim penal për shpërdorim detyre për cilindo personazh të përfshirë në këtë skenar të jashtëligjshëm, pavarësisht pozicionit që mban. Organet drejtuese legjitime të Partisë Demokratike i zgjedhin dhe përcaktojnë vetëm demokratët me votën e lirë dhe s'mund ti diktojë askush, as me vendime gjykate e as me marifete proceduriale.

EMISIONET