Gjobë 114 milionë lekë pas 30 viteve

Besim Peca banor i zonës së Paskuqanit është gjobitur nga Inspektoriati Kombëtari i Mbrojtjes së Territorit për ndërtim pa leje.

Gjoba prej 114 milion e 700 mijë lejkë i është vendosur më 8 prill 2022, dhe një muaj më vonë më 13 maj i ka shkuar një tjetër shkresë duke e vënë në dijeni i se banesa e tij do të shëmbet.

Peca në një intervistë për Ora News shprehet se në atë shtëpi ka më shumë se 20 vite dhe se nuk është i drejtë vendimi për gjobën.

Besim Peca: " Kësaj i thonë me ta shumëzuar jetën me zero në këtë moshë. Më 1994 kam filluar ndërtimin e atij objekti. Objekti ka qenë në proces legalizimi deri para 6 muajsh. Para 6 muajsh vjen një shkresë që më thotë jeni i skualifikuar nga legalizimi. Unë kam 30 vjet pothuajse që punoj për atë tokë për atë vend "

Ndërkohë banorët e Laprakës, Paskuqanit dhe Kodrës së Priftit prej afro 6 muajsh po protestojnë kundër shëmbjes së banesave të tyre pa marrë si fillim një zgjidhje nga Bashkia se kur do të shpronësohen ndaj kjo është dhe kërkesa e Besim Peces që ti jepet një zgjidhje.

Me shëmbjen e objekteve ku në të ka dhe biznese humb jo vetëm ai, por shumë familje mbeten pa punë për shkak të mbylljes së aktiviteteve.

Gjobë 114 milionë lekë pas 30 viteve

EMISIONET