Dajaku te “5 Maji” është thjesht biznes

Dajaku te “5 Maji” është thjesht biznes

Rindërtimi është ndoshta programi publik me solidar qe është ndërmarrë ndonjëherë ne Shqipëri.

Është një program ku qytetaret e një vendi behën bashke dhe financojnë 700 e ca milionë euro apo ndoshta 1 miliardë (se shifrat aty prokurohen sipas qejfit dhe kane dale jashtë çdo kufiri), për te ndihmuar bashkëqytetarët e tyre qe u goditen nga një fatkeqësi natyrore.

Është program i paprecedente.

Nuk ka rast te dyte ne bote ku qytetaret te kenë treguar solidaritet ne këtë shkalle, nëse e merr ne raport Prodhimin Kombëtar.

Çfarë bën qeveria? Solidaritetin e kthen ne represion. Këta janë qeveria e vetme ne bote qe mund ta bëjnë ketë.

Kane turrur xhandarët për te nxjerre me dajak familjet nga banesat e tyre ne lagjen 5 maji.

Ato familje, qe këta po i nxjerrin me force sot nga shtëpitë e tyre, kane kontribuar për rindërtimin. Kane paguar nga taksat e tyre qe te ndihmonin familjet e prekura nga tërmeti te bëheshin me shtëpi.

Por paskan paguar edhe te zezën e tyre.

Pse e bën qeveria këtë? Çfarë arsye ka qe ta ktheje një program kaq solidar ne gjëmë për qindra familje?

Ben biznes. Gjithmonë kjo është arsyeja.

Aty tek 5 maji janë prokuruar 62 milionë dollarë kontrata ne kuadër te rindërtimit nga Bashkia e Tiranës. Janë para te prokuruar me procedura ekstraligjore, me gare te cunguar.

Fituesit e këtij lumi te madh parash janë oligarkët me te mëdhenj te Shqipërisë, kompani trafikantesh dhe klientë te qeverise.

Ndaj po u vene hurin njerëzve këta duke i nxjerre me force nga shtëpitë. Duan te bëjnë biznes. Kane leke për te ndare neper llogari. Kjo është arsyeja. Gjithmonë.

EMISIONET