Berisha për naftën: Masa të menjëhershme ose çmenduria e Ramës do dëmtojë ekonominë e çdo shqiptari

Berisha për naftën: Masa të menjëhershme ose

Kreu i Partisë Demokratike, Sali Berisha, e ka cilësuar një çmenduri rritjen që pësuan sot karburantet me vendim të Bordit.

Në një reagim në facebook, Berisha duke ju referuar Ramës thotë se krye-hajduti ka vendosur të zhvasë çdo qindarkë nga familjet shqiptare.

Ai shton se çmimi i naftës në rajon ka një diference të madhe me Shqipërinë, e faji këtu është kryekëput i qeverisë dhe Ramës.

Postimi i plotë i Berishës

Nafta arrinë në 265 lekë për litër.

Rritje tjetër stratosferike e çmimit të naftes.

Bordi komunist i Edi Ramës nuk ka të ndaluar!

Çmimi i naftës shënon sot një tjetër rekord. 265 lekë për litër do të paguajnë shqiptarët duke nisur prej ditës së sotme. Çmënduri! Abuzim! Vjedhje!

Krye-hajduti ka vendosur të zhvasë çdo qindarkë nga familjet shqiptare, duke e çuar në stratosferë çmimin e naftës, nëpërmjet bordeve me mendësi komuniste. Me naftën po bëhej një abuzim i tejskajshëm në vend. Edhe pa krijimin e bordeve situata ishte alarmante, por u zhyt edhe më thellë që në momentin e krijimit të bordeve të vjedhjes.

Çmimi i naftës në rajon ka një diference të madhe me Shqipërinë, e faji këtu është kryekëput i qeverisë dhe Edi Ramës. Masa të menjëhershme duhen ndërmarrë ose çmenduria e këtij njeriu do të dëmtojë ekonominë e çdo qytetari shqiptar.

EMISIONET