Vazhdon mbështetjen e pakursyer ndaj Trumpit, Bleona u kërkon fansave të nënshkruajnë peticionin për rinumërimin e votave në SHBA
Bleona Qerreti, këngëtarja e njohur shqiptare, ka shprehur haptas mbështetjen e saj ndaj kandidatit republikan Donald Trump në zgjedhjet presidenciale në SHBA.
Zyrtarët e fushatës elektorale të Trump-it paraqitën të mërkurën padi gjyqësore për menaxhimin e votave me postë, ndërsa numërimi po vazhdon, në tri shtete kyçe të betejës elektorale për përcaktimin e fituesit të zgjedhjeve, në Georgia, Michigan dhe Pensylvania.
Në Wisconsin ekipi elektoral i Presidentit Trump ka kërkuar rinumërimin.
Presidenti Trump ka deklaruar, pa paraqitur prova se procesi i numërimit të votave të dërguara nëpërmjet postës është i manipuluar dhe kjo ka shtuar shanset e demokratit Joe Biden për të fituar zgjedhjet.
Për këtë arsye ka nisur një peticion online në rrjetet sociale ku kërkohet rinumërimin i votave të zgjedhjeve të 3 nëntorit.
Po ashtu, edhe këngëtarja shqiptare, Bleona Qerreti ka shpërndarë peticionin në fjalë duke u kërkuar fansave të saj që ta nënshkruajnë atë në formatin online.
Ky peticion kërkon rinumërimin e votave në shtetet: Arizona, Wisconsin, Michigan dhe Colorado.