“Unë s’shikoj diktaturë”/ Debati Doda-Dudushi: Ti s’flet dot me mua me këtë lloj gjuhe, kjo është alibi e diktatorit

“Unë s’shikoj diktaturë”/ Debati Doda-Dudushi: Ti

Emisioni PolitikOn në RTV Ora ka trajtuar këtë të enjte vizitën e kryeministrit Rama në Turqi dhe miqësinë e tij me presidenti turk Erdogan.

Deklarata e Ramës kundër Bashkimit Europian, ka shkaktuar debat në studio mesgazetarit  Alban Dudushi dhe sekretares së Përgjithshme të PDIU-së Mesila Dodës.

Sipas kësaj të fundit, dera e BE-së është e mbyllur me Ramën kryeministër dhe për këtë shkak kreu i qeverisë po krijon polin tjetër.

DEBATI:

Dudushi: Mesila niset apriori dhe thotë që ai le të bëjë ça të dojë për veten e vet, por si kryeministër na përfaqëson të gjithëve, por unë se di ça bëri keq deri tani që shkoi  në Ankara

Doda: Unë nuk thash pse shkoi në Ankara, ajo që thashë është se nuk mundesh të vazhdosh të krijosh ndienjën e karshillëkut se unë po merrem me këtë dhe ndërkohë të hedhësh goditje ndaj Bashkimit Europian apo ndaj vendeve të BE-së, ashtu siç thash se kur ishte në krah të Vuçiçit nuk mund t’i gjuante liderëve të Kosovës.

Dudushi: Krahasimi nuk qendron.

Doda: Qëndron sepse është e njëjta strategji.

Dudushi: Nuk qendron sepse përmende që ky është arrogant me të dobëtit dhe i bie që Bashkimi Europian dhe Brukseli është i dobëti?

Doda: Jo nuk është për të dobëtin, se Bashkimi Europian është një gjë tjetër, është një derë e mbyllur dhe ky po godet dhe po krijon polin tjetër sepse është një derë e mbyllur.

Dudushi: Po nuk është derë e mbyllur Bashkimi Europian, ti e di shumë mirë.

Doda: Por sepse nuk u hap pra, nuk u hapën nëgociatat për tre vite radhazi

Dudushi: Nuk është derë e mbyllur për Edi Ramën dhe mezi pop resin që të vijë Basha dh eta hapin derën. Ajo është një derë që pritet të hapet pasi të mbarojnë disa procese që janë të brendshme tona.

Doda:  Në vitin 2013 kanë qenë tre kushte që të hapeshin dhe në vitin 2020 u bënë 15 kushte që të hapeshin

Dudushi: Po me po dhe me kontributin tuaj janë 15 kushte që të hapeshin.

Doda: Jo nuk janë me kontributin tonë, por me kontributin e atij i cili sot ka zhbërë të gjithë shtetin, ke katër vite pa bërë Gjykatën Kushtetuese.

Dudushi: Po edhe me kontributin tuaj është zhbërë shtetin se latë mandatet në parlament, dolët 6 muaj gjuajtët me gurë dhe sot llahtarisemi me atë që ndodh në Capitol Hill.

Doda: Jo, kjo nuk është logjikë, kjo është alibi e dikatorit.

Dudushi: Ju i keni bërë këto se nuk i kam bërë unë. Unë shikoj një vend që nuk funksion, nuk shikoj diktaturë, diktaturën e shikoni ju.

Doda: Ta them unë pse është, sepse demokracia funksionon në bazë të ekuilibrit të pushteteve.

Dudushi: Po patjetër, e prishët, ikët nga parlamenti, u shkallmua një pjesë e mirë e procesit e reformës në drejtësi.

Doda: Por si e shkatërruam ne more zotëri kur ti e mban mend mirë që dolën të gjitha llojet e përgjimeve dhe tregoheshin sesi ishte marrë pushteti dhe nuk u përndoq në asnjë moment asnjë nga ata që kishin zhbërë dhe kishin shtrembëruar vullnetin e zgjedhësve

Dudushi: Cilin vullnet?

Doda: Po tani mos më fol me këtë lloj gjuhe se ti e di shumë mirë se kjo është gjuha që mund t’ia mbyllësh gojën një njeriu, ti nuk flet dot me mua me këtë lloj gjuhe, sepse kjo nuk është gjuha që do të debatonin dy njerëz që kanë argumente dhe argument është se ti sot në Shqipëri nuk ke më një ekuilibër pushtetesh.

Dudushi: Por unë po them edhe me kontributin tuaj.

Doda: Po kush ishte kontributi jonë Gjykata Kushtetuese që u shkri apo Gjykata e Lartë.

Vendi Lajme Aktualitet politikon dudushi alibi doda diktatori

EMISIONET