Njëqind e tetëmbëdhjetë pasagjerë nga Tirana që zbarkuan në aeroportin e San Francesco di Assisi  në Perugia iu nënshtruan bërjes së tamponit.

Fëmijë e të moshuar pritën në radhë në aeroport për të kryer testin, rregull i vendosur nga vendi për të parandaluar përhapjen e koronavirusit.

Ata do të izolohen deri në daljen e përgjigjes së tamponit, ndërsa do të vendosen në karantinë 14 ditë ata që mund të rezultojnë pozitivë.

Mediat italiane shkruajnë se të gjithë pasagjerët ishin bashkëpunues, ndonëse u hasën vështirësi të vogla për shkak të gjuhës.