Foshnja e cila u përfshi në një aksident brenda autobusit ku po udhëtonte me nënën e saj më 28 tetor në San Teodoro, në Genova, ka ndërruar jetë.

Foshnja ishte duke u mbajtur nga nëna e saj kur shoferi i autobusit frenoi befasisht duke aksidentuar një grua që po kalonte mbi vijat e bardha.

Për pasojë nëna e re kishte humbur ekuilibrin e saj duke u rrëzuar bashkë me djalin e saj, i cili u përplas me mbështetësen metalike.

I shtruar në spital në Genova, ai ndërroi jetë të mërkurën në mbrëmje.

Fëmija, i lindur në fillim të tetorit, ishte shtruar në spital në kujdes intensiv për shkak të një dëmtimi të rëndë në kokë.

Ai iu nënshtrua një operacioni në kokë dhe më pasi u shtrua në Njësinë e Kujdesit Intensiv Neonatal dhe Pediatrik për vazhdimin e trajtimit.


“Fëmija kishte filluar një rrugë të kujdesit paliativ në spitalin e spitalit, ku dozat e ilaçeve me qëllime analgo-qetësuese ishin rregulluar në mënyrë progresive, për të lejuar fëmijën të mos ndjente dhimbje. Gjatë javës së fundit, pati një përkeqësim progresiv të kushteve të përgjithshme deri në vdekje”,njofton spitali.