Takimi me Varhelyi, Meta: Do të rikthej në Kuvend ndryshimet e njëanshme të Kodit Zgjedhor

Takimi me Varhelyi, Meta: Do të rikthej në Kuvend ndryshimet e

Në përfundim të takimit me komisionertin për zgjerim në BE, Oliver Varhelyi, presidenti i Republikës Ilir Meta tregon ato çfarë bisedoi me zyrtarin e lartë europian.

Sipas Metës, ai e siguroi Varhelyi se, çdo zgjidhje do të vijë nga populli shqiptar, ndërsa shton se 25 Prilli do të jetë një referendum popullor.

Ndërkohë presidenti shton se, ndryshimet në Kodin Zgjedhor do ti rikthejë sërish në parlament.

Postimi i plotë i presidentit:

Kënaqësi të takohesha me Komisionerin për Politikën e Fqinjësisë Europiane dhe Negociatat e Zgjerimit, z. Oliver Varhelyi. E falenderova për të gjitha përpjekjet e tij dhe të institucioneve europiane për të mbështetur integrimin europian të Shqipërisë.

Duke u ndalur tek reforma zgjedhore, përcaktuar si kusht themelor për nisjen e negociatave të anëtarësimit, e informova Komisionerin se do të rikthej për rishqyrtim në Kuvend ndryshimet e njëanshme të Kodit Zgjedhor.

Duke mirëkuptuar kërkesën dashamirëse të Grupit të PPE në Parlamentin Europian për t’i dhënë edhe një mundësi Kuvendit një-partiak të tërhiqet nga minimi i procesit zgjedhor, me pasoja të rënda e afatgjata ndaj integrimit europian të Shqipërisë, uroj që pushteti të kthehet tek Marrëveshja konsensuale e 5 Qershorit.

E garantova Komisionerin Varhelyi se çdo zgjidhje do të vijë nga populli shqiptar.

25 Prilli do të jetë një referendum popullor që do t’u japë përgjigjen e merituar të gjithëve atyre që tentojnë të luajnë me të ardhmen europiane të vendit.

Vendi Lajme ilir meta reforma zgjedhore Politikë Lajmi i fundit Oliver Varhelyi Aktualitet takjimi

EMISIONET