Sulm me thikë në Gjermani, plagosen disa persona. Sulmuesi arrestohet nga policia
Nga OraNews Përditësimi i fundit 20 Nëntor 2020, 09:36
Një sulm me thikë ka ndodhur në Gjermani, përkatësisht në qytetin Oberhausen.
Si pasojë e sulmit, kanë mbetur të plagosur disa persona, ndërsa i dyshuari është arrestuar nga policia, raporton Reuters.
Në anën tjetër Wesdeutsche Allgemeine Zeitung, shkruan se disa persona janë dërguar në spital me plagë të shkaktuara nga thika, madje gjendja e disa prej tyre është kritike.
Deri më tani, policia nuk ka dhënë detaje të tjera, dhe as nuk ka zbuluar për publikun motivimin e sulmit.