Të pakën 40 persona kanë humbur jetën në Vietnam dhe Kambodia, pasi u goditën nga stuhia tropikale Nangka.

Stuhia tropikale ka pushtuar rajonin që nga fillimi i tetorit me reshje të dendura, që kanë bërë që lumenjtë të dalin nga shtrati dhe të rrëmbejnë çdo gjë që i del përpara.

Reshjet priten të përkeqësohen në ditët në vijim, teksa era ka kapur shpejtësinë e 100 km/orë.

Ujërat e rrëmbyeshëm kanë marrë 28 jetë në Vietnam dhe 11 në Kambodia, ndërsa 25 mijë shtëpi dhe 84 hektarë tokë janë nën pushtetin e ujit.

Qeveritë kanë shpallur gjendjen e emergjencës dhe kanë dërguar ushtrinë në ndihmë të banorëve të prekur.