Trajneri i Dortmundit jep lajmin e keq për mbrojtësin titullar

Trajneri i Borussia Dortmundit, Nuri Sahin, ka njoftuar për një "lëndim të rëndë" të Niklas Süles në fillim të konferencës për shtypin të pasdites së sotme, në prag të ndeshjes kundër Barcelonës (të mërkurën, me fillim në orën 21:00):

"Niki do të jetë jashtë për disa muaj." Bëhet fjalë për "të njëjtin lëndim" si në tetor, pra për një dëmtim të pjesshëm të sindesmozës:

"Është vërtet një fatkeqësi e pabesueshme që dikush e ka goditur dy herë në të njëjtën zonë, pa dashur të fajësojmë askënd."

Süle kishte zhvilluar një ndeshje të mirë kundër Gladbachut dhe ishte detyruar të largohej nga fusha në minutën e 84-të pas dhimbjeve në këmbën e djathtë.

Kur u zëvendësua në minutat e fundit të ndeshjes së të shtunës mbrëma, lajmi për një lëndim të rëndë tashmë qarkullonte: tani është konfirmuar që Niklas Süle do të mungojë për një periudhë të gjatë për Borussia-n.

"Fola me Niki-n mbrëmë," tha Sahin. "Duhet të presim që diagnoza të stabilizohet përpara se të marrim vendime."

Ende nuk është e qartë nëse mbrojtësi do të trajtohet në mënyrë konservative apo do t’i nënshtrohet një operacioni kirurgjik.