Merkato e verës, Interi fitoi më shumë nga të gjithë. Roma e Milan me “pullë” të kuqe

Merkato e verës, Interi fitoi më shumë nga të gjithë.

“Tifosy”, shoqëria lider në konsulencën sportive në aspetin financiar për klubet e futbollit ka përpiluar një tabelë të klubeve italiane që kanë fituar më shumë nga merkato që sapo u mbyll.

Klasifikimi nga “Tifosy” është realizuar duke marrë në konsiderate fitimin neto mes shitjeve dhe blerjeve të lojtarëve nga 20 klubet e Serisë A, shkruan Ora News.

Kjo renditje nxjerr vetëm fitimin e ekipeve nga merkato e verës dhe nuk do të thotë që nëse bilanci është negative, situata të jetë detyrimisht negative. Psh rasti i Milanit dhe Juventusit të cilët edhe pse nuk kanë bërë blerje të shtrenjta, kanë liruar buxhetin e pagave duke larguar paga të rënda si ajo e Ronaldos te bardhezinjtë apo Donnarummas dhe Calhanoglu te kuqezinjtë.

Duke u rikthyer te renditja, klubi që ka fituar më shumë dhe që ka mbyllur merkaton me më shumë fitim është Interi. Padyshim, shitja e dy lojtarëve të rëndësishëm si Lukaku dhe Hakimi ka mbushur arkën e klubit dhe ka sistemuar llogaritë financiare të ekipit që zotërohet nga kinezët e Suning. 161.1 mln Euro neto është fitimi që ka patur Interi i cili ndiqet nga Udinese me një fitim neto prej 53.5 mln Euro.

Empoli dhe Torino janë ekipet që kanë mbyllur merkaton me fitim por po të shikosh renditjen, 4 të fundit janë disi problem pasi Napoli, Atalanta, Roma dhe Milan e kanë mbyllur me minuse të mëdha merkaton e verës.

Renditja e përgjitshme e klubeve italiane pas mbylljes së merkatos:

 

    Inter: 161,1 milionë Euro

    Udinese: 53,5

    Empoli: 19,2

    Torino: 6,1

    Juventus: -0,5

    Salernitana: -0,8

    Sassuolo: -3

    Lazio: -5,2

    Sampdoria: -6

    Fiorentina: -6,2

    Cagliari: -7,5

    Bologna: -8,4

    Verona: -12

    Genoa: -13,6

    Venezia: -17,1

    Spezia: -19

    Napoli: -19,6

    Atalanta: -30,6

    Milan: -69,2

    Roma: -95,5.

 

EMISIONET