Histori rivaliteti, huliganët e Romës dhe Feyenoord janë përplasur dhunshëm edhe më herët

Një kërcënim i mundshëm qëndron mbi finalen e Ligës së Konferencës së Evropës këtë të mërkurë mes klubit holandez Feyenoord dhe Romës në kryeqytetin shqiptar.

Deri në 100,000 tifozë pritet të udhëtojnë drejt Shqipërisë për finalen inauguruese të turneut evropian të nivelit të tretë.

Feyenoord dhe Roma janë klube të njohura me baza të mëdha tifozësh dhe elementë famëkeq të dhunshëm mes tifozërisë së tyre.

Huliganët nga Feyenoord ndëkrohë njihen për rastet e tyre të dhunshme dhe kanë qenë protagonistë në përleshjet me policinë në Roterdam gjatë trazirave të nëntorit kundër kufizimeve të koronavirusit.

Po ahstu, ka pasur pushtime të shumta në fushë dhe përleshje brenda stadiumeve në vende të tilla si Zvicra, Holanda dhe Sllovakia nga këta tifozë.

Po ashtu ekziston një precedent me Feyenoord pas ngjarjeve në Romë në 2015, kur tifozët e Feyenoord u përleshën me policinë italiane dhe dëmtuan një shatërvan historik.

Ultras-të e fortë të Romës numërojnë rreth 200 dhe huliganët e Feyenoord-it me sa duket i kanë vënë sytë tek ata.

Ultrasit e Romës paralajmëruan shokët e tyre që të vijnë në Tiranë duke vendosur një shënim përpara ndeshjes së fundit të skuadrës në Serie A në shtëpi kundër Venezias.

“Ne kemi një takim me Historinë dhe duhet të jemi të respektueshëm. Udhëtimi drejt Tiranës duhet trajtuar me drejtësi brenda dhe jashtë stadiumit”, - thuhet në të.