Grushto për Shqipërinë, boksieri 17-vjeçar Luis Gjolena do të përfaqësojë vendin tonë në Europian

Luis Gjolena është 17 vjeçari shqiptar që do të përfaqësojë Shqipërinë në kampionatin europian të boksit për moshën deri në 18 vjec. Ai tregon emocionet e  këtij kompeticioni  ndërsa trajneri i tij e sheh të ardhmen e boksit të Luisi. 

Luis Gjolena po stërvitet për të përfaqësuar Shqipërinë në kampionatin europian të boksit për moshën deri në 18 vjeç me peshën 86 kg.

Në raftin e çmimeve dhe medaljeve ku veç të tjerash qëndron dhe ajo e Kupës së Botës, Luisi ka bërë një vend atë që do të marrë në europian.

Ishte 12 vjeç kur  u angazhua me këtë sport me shtysën kryesore nga babai i tij.

Kujton garat mes miqve të lagjes dhe të shkollës, dhe prej andej ëndërronte ringun.

Megjithse duket si një sport i dhunshëm, boksi kërkon që mbi të gjitha të jesh inteligjent dhe i vëmendshëm.

Pas europianit përkëtë grupmosh, synon të bëhet pjesë e profesionistëve të rritur.

Të ardhmen nuk e shikon në Shqipëri.

Trajneri i tij Sead Bushati tregon se te Luisi ka parë disa karakteristika të rëndësishme për këtë sport.

E ardhmja e boksit shqipar është në duar të Luisit dhe të bashkëmoshatarëve të tij të lalentuar.

 Vec përkushtimit dhe dashurisë për sportin, Luis Gjolenë e ndihmon shumë stërvitja me kampionët shqiptarë të boksit si Denis Nuraj, Alban Bermeta etj.