Graelish në marrëdhënie intime me femrën që mendohet se dhunoi shoku i skuadrës, Mendy
Gjyqi ndaj mbrojtësit të Manchester City, Benjamin Mendy nxjerr në siperfaqe një skandal tjetër që lidhet me një tjetër lojtar të “citizens”, Jack Graelish. Në gjykatë u zbulua dëshmia e një femre që pretendon se është dhunuar seksualisht nga francezi, e cila thekson se në të njëjtën mbrëmje kur u regjistrua ngjarja, ajo kreu marrëdhënie seksuale edhe me mesfushorin nga Birminghami.
Ngjarja ka ndodhur gjatë muajit gusht të vitit të kaluar. Lojtarët e Manchester City ishin në barin “China White” përpara se të shkonin në shtëpinë e mbrojtësit në zonën e Pretsbury. Vajza që pretendon se ka pasur marrëdhënie me Graelish është 17 vjeç.
Ajo ka rrëfyer në polici se kur mbërriti në shtëpinë e Mendy bashkë me shoqet e saj, Graelish ishte rrethuar nga femrat dhe po konsumonte sasi te madhe alkooli. Dëshmi që e fut në telashe të vërteta lojtarin anglez i cili kaloi një verë të nxehtë pas festimeve me alkool dhe birra për festën e titullit.