Foto/ Emocione të forta, të gjithë në këmbë për Eriksen
Një ndeshje shumë emocionuese në Copenhagen, ku Danimarka në fushë dhe tifozët në stadium të gjithë bëhen bashkë për Eriksen i cili mrekullisht sot është në jetë falë Kjaer dhe stafit mjekësor.
Edhe para ndeshjes e gjithë atmosfera ishte përgatitur për numrin 10 të skuadrës i cili kaloi momentet më të vështira, benderolë gjigante në fushë, tifozët me fanellën e fantazistit, fëmijë me pankarta e me mesazhe inkurajuese, gjithçka fantastike.
Në minutën e 10’, i gjithë stadiumi u ngrit në këmbë teksa loja mes Danimarkës dhe Belgjikës u ndërpre nga arbitri për të duartrokitur për pak minuta Christian Eriksen.
Një mesazh i fortë, solidarizim i madh dhe sjellje shembullore e të gjithëve në Copenhagen. Sigurisht që Eriksen i ka ndjekur dhe zemra e tij tashmë është “shëruar”.